స్టార్ట్ మా టీవీలో ప్రసారమవుతున్న సీరియల్ 'ఇల్లు ఇల్లాలు పిల్లలు'(Illu illalu pillalu). ఈ సీరియల్ శనివారం నాటి ఎపిసోడ్ -365 లో... ధీరజ్ కి సంబంధించిన వస్తువులన్నీ ప్రేమ దాచేస్తుంది కానీ ధీరజ్ మాత్రం.. అమ్మ షర్ట్ ఎక్కడ, అది ఎక్కడ, ఇది ఎక్కడ అంటూ వేదవతిని పిలుస్తాడు. వేదవతిని సైలెంట్ గా ఉండమని నర్మద చెప్తుంది. ధీరజ్ ని ప్రేమ ఆటపట్టిస్తుంది మీరు ఇన్వాల్వ్ అవ్వకండి అని వేదవతితో నర్మద చెప్తుంది. మేం పెళ్లి సంబంధం మాట్లాడడానికి వెళ్తున్నామని వేదవతి చెప్పగానే మీరు టెన్షన్ పడకుండి అత్తయ్య అంతా మంచే జరుగుతుందని నర్మద చెప్తుంది. 

మరొకవైపు ధీరజ్ షర్ట్ ప్రేమనే దాచేసింది అని ధీరజ్ కి అర్థమై అతను వేరొక షర్ట్ వేసుకుంటాడు. కార్ తాళం కోసం వాళ్ల ఓనర్ కి ఫోన్ చేస్తాడు. కార్ తాళం ఒక  కొండముచ్చు తీసుకుంది ఇంకొక తాళం పంపండి అని ధీరజ్ ఫోన్ చేస్తాడు. దాంతో ధీరజ్ వైపు ప్రేమ కోపంగా చూస్తుంది. 

మరొకవైపు రామరాజు, వేదవతి ఇద్దరు కలిసి సంబంధం మాట్లాడటానికి తెలిసిన వాళ్ల ఇంటికి వెళ్తారు. వాళ్ళు మొదట్లో మీ కుటుంబంలో ఇద్దరు లేచిపోయి పెళ్లి చేసుకున్నారు.. కొంచెం మీ కుటుంబం నుండి అమ్మాయి అంటే ఆలోచించాలని అంటారు. అబ్బాయి వాళ్ల అమ్మ వనజ కూడా అంటుంది. మీరు అలోచించేది కరెక్టే కానీ నాకు వచ్చిన ఇద్దరు కోడళ్ళు కూడా నాకు గౌరవం తెచ్చిన వాళ్లే అని గొప్పగా చెప్తాడు రామరాజు. దాంతో వాళ్ళు అమూల్యని చేసుకోవడానికి ఒప్పుకుంటారు. ఇక రామరాజు, వేదవతి ఫుల్ హ్యాపీగా ఫీల్ అవుతారు.

ఆ తర్వాత రామరాజు వాళ్ళు ఇంటికి వెళ్లి అందరికి విషయం చెప్తారు. ఇంట్లో వాళ్ళు హ్యాపీగా ఫీల్ అవుతారు. తిరుపతి స్వీట్ తీసుకొని వచ్చి అందరికి తినిపిస్తాడు. శ్రీవల్లి మాత్రం డిజప్పాయింట్ అవుతుంది. ఆ తర్వాత విశ్వకి అమూల్య ఫోన్ చేసి పెళ్లి సంబంధం ఫిక్స్ చేసారని చెప్తుంది. మరొకవైపు శ్రీవల్లి తన పేరెంట్స్ కి విషయం చెప్పాలని వాళ్ల దగ్గరికి వస్తుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.